Қаржылық есептіліктің депозитарийіне (бұдан әрі - Депозитарий) қол жетімділік, оның деректерін өзгерту үшін тіркелген пайдаланушыларға, Қазақстанның Ұлттық куәландырушы орталығы берген электрондық цифрлық қолтаңба (бұдан әрі - ҰКО ЭЦҚ) болған кезде беріледі. Пайдаланушыларды алдын ала тіркеуді "Ақпараттық-есептеу орталығы" акционерлік қоғамы Қазақстанның уәкілетті мемлекеттік органы ұсынған жазбаша өтінімнің негізінде, оның уәкілетті қызметкерлерінің тізімін қоса бере отырып, жүргізеді.

Пайдаланушының алдын ала тіркелуінен және оның депозитарийдің әртүрлі бөлімдерімен жұмыс істеу құқықтары анықталғаннан кейін жоғарыда көрсетілген жазбаша өтінімде көрсетілген пайдаланушының дербес электрондық мекенжайына жеке тұлғаға берілген ҰКО ЭЦҚ пайдалана отырып, Депозитарийде тіркеуге шақыру арқылы электрондық хабарлама жіберіледі. Пайдаланушыны тіркеу кезінде жүйе жазбаша өтінімде және ҰКО ЭЦҚ көрсетілген мәліметтерді салыстыруды жүзеге асырады.