«Ақпараттық-есептеу орталығы» акционерлік қоғамы 2021 жылғы 1 маусымнан бастап жария мүдделі ұйымдар үшін депозитарийге қолжетімділік ақылы аванстық негізінде берілетіні туралы хабарлайды.

Бұл ретте, 2007 жылғы 28 ақпандағы Қазақстан Республикасы «Бухгалтерлiк есеп пен қаржылық есептiлiк туралы» Заңы 1-баптың 7) тармақшасына сәйкес, жария мүдделі ұйымдарға келесі ұйымдар жатады:

қаржы ұйымдары (қызметін Қазақстан Республикасы Ұлттық Банкінің қолма-қол шетел валютасымен айырбастау операцияларына арналған лицензиясы негізінде тек қана айырбастау пункттері арқылы жүзеге асыратын заңды тұлғаларды, шаруашылық серіктестік нысанында құрылған, микроқаржылық қызметті жүзеге асыратын ұйымдарды қоспағанда);

акционерлік қоғамдар (коммерциялық еместерін қоспағанда);

жер қойнауын пайдаланушы ұйымдар (кең таралған пайдалы қазбаларды өндіретін ұйымдардан басқа);

астық қабылдау кәсіпорындары;

жарғылық капиталында мемлекеттің қатысу үлесі бар ұйымдар, сондай-ақ шаруашылық жүргізу құқығына негізделген мемлекеттік кәсіпорындар.

Әрбір ұйым үшін жыл сайынғы абоненттік төлемнің мөлшері 17 АЕК құрайды.

Ақылылық үздіксіз жұмысты қамтамасыз ету және депозитарийді жүргізу жүйесін дамыту үшін іске асырылады.

Келісім шартпен және баға прейскурантымен мына жерде танысуға болады.

Квазимемлекеттік сектор субъектілері үшін (мемлекеттік сатып алуды ұйымдастырушылар) сатып алынатын қызметтердің Техникалық ерекшелігі жобасын (opi.dfo.kz веб-порталында «Электрондық есептер» ақпараттық сервисіне қолжетімділікті ұсыну бойынша қызметтер) жұмыста пайдалануды үшін ұсынамыз.