Деректерді жүктеу...

ҚАЗАҚСТАН РЕСПУБЛИКАСЫНЫҢ ҚАРЖЫ МИНИСТРЛІГІ

ҚАРЖЫЛЫҚ ЕСЕПТІЛІК ДЕПОЗИТАРИЙІ
Хабарландырулар
Деректерді жүктеу...
15.10.2021 - Қазақстан Республикасы Қаржы нарығын реттеу және дамыту агенттігінің №04-4-23/2337 ақпараттық хабарламасы. Бағалы қағаздарды шығаруға байланысты Қазақстан Республикасының заңнамасындағы өзгерістер туралы.

Бағалы қағаздарды шығаруға байланысты Қазақстан Республикасының заңнамасындағы өзгерістер туралы


2021 жылғы 24 қыркүйекте Қазақстан Республикасының Қаржы нарығын реттеу және дамыту агенттігі (бұдан әрі – Агенттік) Агенттік Басқармасының «Қазақстан Республикасының кейбір нормативтік құқықтық актілеріне бағалы қағаздар нарығын дамыту мәселелері бойынша өзгерістер мен толықтырулар енгізу туралы» № 96 қаулысы (бұдан әрі – қаулы) қабылдады.
Бағалы қағаздар нарығында орнықты қаржыландыру қағидаттарын ілгерілету шеңберінде Қаулымен «жасыл», әлеуметтік, инвестициялық облигацияларды, орнықты даму облигацияларын, сондай-ақ орнықты дамуға байланысты облигацияларын шығару тәртібі көзделген.
Сонымен қатар, Қаулы мыналарды көздейді:
1) айналыс мерзімі 12 (он екі) айдан аспайтын облигациялар шығарылымын мемлекеттік тіркеу кезінде реттеушілік талаптарды оңайлату;
2) жеке орналастыруға жататын облигацияларды шығару кезінде жеке меморандумның құрылымын қысқарту;
3) инвестициялық пай қоры пайларының шығарылымын мемлекеттік тіркеу бойынша мемлекеттік қызмет көрсетуді электрондық форматқа ауыстыру;
4) нормативтік құқықтық актілерді Қазақстан Республикасының Әкімшілік рәсімдік-процестік кодексінің жаңа ережелерімен сәйкестікке келтіру.
Қаулы Қазақстан Республикасының Әділет министрлігінде тіркелді және Қазақстан Республикасы нормативтік құқықтық актілерінің эталондық бақылау банкінде жарияланды.
Generated in 19ms