Бағалау қызметі бойынша Қазақстан заңнамасындағы өзгерістер және «Bagalau» ақпараттық қызметі туралы

Қазақстан Республикасы қаржы министрлігінің 2009 жылғы 13 қаңтардағы № 11 бұйрығымен қаржылық есептілік депозитарийін (бұдан әрі – депозитарий) жүргізу жөніндегі қызметті жүзеге асыруға уәкілетті «Ақпараттық есептеу орталығы» АҚ төмендегіні хабарлайды

Қазақстан Республикасы Қаржы министрінің 2022 жылғы 25 наурыздағы № 307 бұйрығына сәйкес, Қазақстан Республикасы Қаржы министрінің 2018 жылғы 3 мамырдағы № 502 бұйрығымен бекітілген, Бағалаушылар палатасы мүшелерінің, сарапшылық кеңес мүшелерінің және жосықсыз бағалаушылардың тізілімдері нысандарын және оларды жүргізу қағидалары жаңа редакцияда баяндалды және келесі өзгерістер еңгізілді:

1) бағалаушылар палатасы мүшелерінің, сарапшылық кеңес мүшелерінің тізілімдері электрондық түрде жүргізіледі және депозитарийдің интернет-ресурсында орналастырылады;

2) жосықсыз бағалаушылар тізілімі депозитарийдің интернет-ресурсында орналастырылады;

3) бағалаушылар палатасы мүшелерінің, сарапшылық кеңес мүшелерінің және жосықсыз бағалаушылар тізілімдерінде қамтылған бағалаушылар, сарапшылардың тізімдік құрамы, жосықсыз бағалаушылар және олар бойынша мәліметтер ашық және жалпыға қолжетімді болып табылады.

4) бағалаушылар палатасы үш жұмыс күні ішінде бағалаушы туралы мәліметтерге палата мүшелерінің тізілімінде оны бағалаушылар палатасының және қаржылық есептілік депозитарийінің интернет-ресурстарында жариялай отырып, өзгерістер (толықтырулар) енгізеді. Қағидаларда сарапшылық кеңес мүшелері тізілімін деректерін депозитарийіде өзектілігін қамтамасыз ету туралы ұқсас норма бар.

Сонымен бірге, Қазақстан Республикасы Қаржы министрінің 2022 жылғы 28 наурыздағы № 316 бұйрығына сәйкес, Қазақстан Республикасы Қаржы министрінің 2018 жылғы 26 сәуірдегі № 488 бұйрығына келесі өзгерістер еңгізілді:

1) тоқсан сайынғы бағалаушылар палатасы және оның мүшелерінің қызметі туралы ақпарат уәкілетті органға электрондық форматта депозитарийді пайдаланып ұсынылады;

2) ипотекалық шарт жасасу кезінде, сондай-ақ кепілге салынған мүлікті сату кезінде қамтамасыз ету болып табылатын мүлікті бағалау туралы есептердің көшірмелері "PDF (Portabe Dokument Format)" электрондық форматта депозитарийде орналастырылғаннан кейін, ұсынылған болып есептеледі.

Осыған байланысты, dfo.kz депозитарийдің интернет-ресурсында (бұдан әрі – Портал) «Bagalau» ақпараттық қызметі жүзеге асырылды (бұдан әрі – Қызмет).

Қызметте сарапшылық кеңес мүшелерінің және бағалаушылар палатасы мүшелерінің тізілімдерін толтыру үшін, алдымен, олардың жұмыс берушілері Порталда (заңды тұлғаның немесе жеке кәсіпкердің Жеке кабинетінде) ЭЦҚ пайдаланып тіркелүі қажет. Осылайша, жеке тұлғалар (жеке тұлғаның Жеке кабинетінде) бағалаушылар (сарапшылар), өздерінің байланыс ақпаратын еңгізіп, ЭЦҚ пайдаланып Порталда өздігінен тіркелүі қажет.

Палатаның, жұмыс берушінің және бағалаушының Жеке кабинеттеріндегі жұмыс нәтижелері бойынша депозитарийде автоматты режимде ашық қолжетімділікте: бағалаушылар палатасы мүшелерінің тізілімі, сараптамалық кеңес мүшелерінің тізілімі және жосықсыз бағалаушылар тізілімі қалыптастырылатын және орналастырылатын болады. Олар бойынша деректердің өзектілігі депозитарийді "Жеке тұлғалар", "Заңды тұлғалар", "Жылжымайтын мүлік тіркелімі" және "Мекенжай тіркелімі" мемлекеттік дерекқорларымен интеграция арқылы қамтамасыз етілетін болады.

Есеп берілетін мерзімде бағалаушылардың немесе олардың жұмыс берушілерінің бағалау туралы есептерді депозитарийге енгізу нәтижелері бойынша депозитарийде белгіленген мерзімдерде тоқсандық есептілікпен (уәкілетті орган үшін) немесе айлық есептілікпен (палата үшін) нысан қалыптастырылатын болады, оған палатаның немесе бағалаушының жұмыс берушісінің ЭЦҚ пайдаланып қол қойылуы тиіс.

Сонымен бірге, Қызметте, онымен жұмыс істеу бойынша, бейне нұсқаулықтар жарияланған.