Деректерді жүктеу...

ҚАЗАҚСТАН РЕСПУБЛИКАСЫНЫҢ ҚАРЖЫ МИНИСТРЛІГІ

ҚАРЖЫЛЫҚ ЕСЕПТІЛІК ДЕПОЗИТАРИЙІ
Хабарландырулар
Деректерді жүктеу...
19.12.2022 - Қазақстан Республикасы Қаржы нарығын реттеу және дамыту агенттігінің ақпараттық хабарламасы. Мемлекеттік емес бағалы қағаздарды шығаруға және олардың айналысы мәселелері бойынша Қазақстан Республикасының заңнамасындағы өзгерістер мен толықтырулар туралы

Қазақстан Республикасының кейбір нормативтік құқықтық актілеріне мемлекеттік емес бағалы қағаздарды шығару және олардың айналысы мәселелері бойынша өзгерістер мен толықтырулар енгізу туралы
Қазақстан Республикасының Қаржы нарығын реттеу және дамыту агенттігі (бұдан әрі – Агенттік) 2022 жылғы 23 қарашада «Қазақстан Республикасының кейбір нормативтік құқықтық актілеріне мемлекеттік емес бағалы қағаздарды шығару және олардың айналысы мәселелері бойынша өзгерістер мен толықтырулар енгізу туралы» Агенттік Басқармасының №103 қаулысын (бұдан әрі – Қаулы) қабылдады.
Қаулыда мемлекеттік емес облигациялар мен жарияланған акциялар шығарылымын тіркеу жөніндегі нормативтік құқықтық актілерге мынадай түзетулер енгізу көзделеді:
- мемлекеттік емес облигацияларды өтеу мерзімінсіз шығару мүмкіндігі;
- эмитенттің мемлекеттік емес облигацияларды өтегені туралы хабарламаны уәкілетті органға ұсыну туралы талапты алып тастау;
- облигациялар шығарылымын мемлекеттік тіркеу үшін құжаттарды қысқарту (қор биржасының қорытындысын ұсыну туралы талаптарды және қаржы кеңесшісімен шарттың көшірмесін алып тастау);
- арнайы қаржы компаниясының жеке орналастыру облигацияларын шығару мүмкіндігі;
- акционерлік қоғамның акцияларын бөлу рәсімін белгілеу.
Осы қаулы алғашқы ресми жарияланған күнінен кейін күнтізбелік алпыс күн өткен соң, 04.02.2023 жылы қолданысқа енгізіледі.
Қаулының толық мәтінімен Агенттіктің интернет-порталында және «Әділет» ақпараттық-құқықтық жүйесінде танысуға болады.
Generated in 36ms