Деректерді жүктеу...

ҚАЗАҚСТАН РЕСПУБЛИКАСЫНЫҢ ҚАРЖЫ МИНИСТРЛІГІ

ҚАРЖЫЛЫҚ ЕСЕПТІЛІК ДЕПОЗИТАРИЙІ
Хабарландырулар
Деректерді жүктеу...
29.08.2023 Қазақстан Республикасы Қаржы министрлігінің Ішкі мемлекеттік аудит комитетінің ақпараттық хабарламасы
Қазақстан Республикасы Қаржы министрлігінің Ішкі мемлекеттік аудит комитеті Қазақстан Республикасының 2007 жылғы 28 ақпандағы №234 «Бухгалтерлік есеп және қаржылық есептілік туралы» (бұдан әрі – Бухгалтерлік есеп туралы Заң) Заңының 1-бабының 7) тармақшасына өзгерістер енгізілгенін хабарлайды.
Осылайша, жария мүдделі ұйымдарға (бұдан әрi - ЖМҰ) қосымша мыналар жатады: жарғылық капиталында мемлекеттiң қатысу үлесi бар ұйымдармен үлестес еншілес, тәуелді және басқа да заңды тұлғалар.
Көрсетілген ЖМҰ Қазақстан Республикасы Қаржы министрінің 2022 жылғы 28 қаңтардағы №94 «Жария мүдделі ұйымдардың қаржылық есептілікті депозитарийге тапсыру қағидаларын бекіту туралы» бұйрығының талаптарына сәйкес, 2023 жылдың 31 тамызынан кешіктірмей:
1) ҚХЕС – ке сәйкес қаржылық есептілікті жасау (Заңның 2-бабының 4-тармағы);
2) жылдық қаржылық есептілік заңнамаға сәйкес бекітілсін;
3) қаржылық есептіліктің аудитін жүргізу (Қазақстан Республикасының «Аудиторлық қызмет туралы» Заңына сәйкес міндетті аудитке жататын ұйым болған жағдайда);
4) кәсіби бухгалтер сертификаты бар, бас бухгалтерді штатына енгізу (Заңның 9-бабы);
5) бас бухгалтерге және ЖМҰ басшылығына ЭЦҚ алу;
6) қаржылық есептілікті қаржылық есептілік депозитарийіне (бұдан әрі – Депозитарий) ұсынуға және оған кәсіби бухгалтер мен ЖМҰ басшылығының ЭЦҚ-мен қол қоюға қажет.
Қазақстан Республикасының 2014 жылғы 5 шілдедегі №235-V «Әкімшілік құқық бұзушылық туралы» Кодексінің 239-бабының 1-тармағының 2) тармақшасына сәйкес, көрінеу сенімсіз қаржылық есептілікті ұсынғаны, қаржылық есептілікті табыс етуден бас тартқаны, белгіленген мерзімдерді бұза отырып ұсынғаны немесе оларды құрылтай құжаттарына сәйкес ұйымдардың құрылтайшыларына (қатысушыларына) дәлелді себептермен ұсынбағаны үшін, мемлекеттік бақылау және қадағалау органдарына өз құзыретіне сәйкес Депозитарий әкімшілік жауапкершілікті қарастырады.
Депозитарийге 2023 жылғы 31 тамызға дейін, 2022 жылға арналған қаржылық есептілік ұсынылмаған жағдайда, жарғылық капиталда мемлекеттің үлесі бар еншілес, тәуелді ұйымдарды және басқа да заңды тұлғаларды әкімшілік жауапкершілікке тарту туралы мәселе қаралатын болады.
Generated in 36ms